Ұлы Отан соғысы кезінде Қазақстаннан майданға аттанып, Отан үшін күрескен жауынгерлердің ерлігі ұрпақтан ұрпаққа жетті. Миллиондаған жауынгерлердің ішінен қазақ халқының өз батырлары мен қаһарман ұлдары шықты. Қазақстандықтардың жанталаса күрескені, олардың ауыр жүк арқалағаны, елін қорғау жолында жанын қиюы – ұлт тарихындағы ерекше мақтаныш.
Батырларымыздың бірі — Имаш Шамаров. Ол Казталовка ауданының Қосарал ауылында шаруа шаңырағында 1913 жылы туған. Жастайынан еңбекке араласып, ауыл шаруашылығы саласында жұмыс істеді. Кейіннен Жәнібек, Шыңғырлау аудандарында дайындау мекемесін басқарды. Ұзақ жылдар бойы Жымпиты ауданында КСРО Дайындау министрлігінің тұрақты өкілі болып еңбек етті. Осы ауданда ауыл шаруашылығы кәсіпорындарын басқарып, колхоз басқармасының төрағасы, совхоз директоры болды. Аудандық жоспарлау комитетіне басшылық жасады. Партия мен үкімет қандай жауапты іске жұмсаса да, Имаш Шамаров өзіне жүктелген міндетті адал атқарды. Ұлы Отан соғысы және еңбек ардагері И.Шамаров Отан алдындағы еңбегі үшін бірнеше орден, медальдармен марапатталды. Кейін заңды еңбек демалысына шыққан соң облыстық, аудандық газеттермен тығыз байланыс орнатып, көкейкесті мақалалар да жазып тұрушы еді.
Тлемберлиева
Алия Артуровна
БҚО қылмыстық істер
жөніндегі
мамандандырылған
ауданаралық сот
әкімшісінің бас маманы