Бүгінгі таңда еліміздің сот жүйесіне енгізілген ақпараттық технологиялар соттардың жұмысын жеңілдетіп қана қоймай, халықпен кері байланыс орнатуда, қызметтің сапасын арттыруда үлкен септігін тигізіп отыр.
«Сот кабинеті»-сот құрылымында қолға алынған заманауи технололгиялардың бірі. Сот кабинетінің негізгі мақсаты- азаматтар мен уәкілетті органдарға Сот кабинеті сервисінің жаңа мүмкіндіктерін, қолдану барысын түсіндіру.
Электронды цифрлық қолтаңбасы бар кез-келген азамат үйден шықпай-ақ, «сот кабинеті» арқылы сотқа талап арыз беріп, сот процесінің хаттамасына ескертулер, атқару парағын жолдау туралы өтініш, атқару парағының телнұсқасын беру туралы арыз және басқа да өтініштерді беріп, кейін оның қаралуын бақылауға мүмкіндігі бар. Бүгінде әлемге таралған қауіпті індеттің және қашықтықтан іс қарау машықтануына байланысты, сот жұмысын онлайн форматта да қарауға мүмкіндігі зор. Сот отырыстары «WathsApp», «TrueCont», «Zoom» мобильдік қосымшасының көмегімен өткізе алады.
Республикамыздың барлық соттарында «Төрелік» ақпараттық жүйесі, «Сот кабинеті», СМС-хабарлама сервистері, Талдау форумы, соттар арасындағы байланыс орталығы, дыбыс-бейнежазба құрылғысымен бейнеконференция арқылы жаңа ақпараттық технологиялар қызмет атқаруда.
Бүгінгі таңда, «Сот кабинеті» сервисінде QR-кодтарының жаңа технологиясы енгізіліп, халыққа ыңғайлы болу үшін және бірыңғай стандартқа көшу мақсатында «Сот кабинеті» сервисінде авторизациядан өту және ұсынылатын құжаттарға қол қою тетігі өзгертілді.
Енді авторизациядан өту және құжаттарға қол қою Egov mobile мобильді қосымшасының Face ID және Touch ID (QR-кодты сканерлеу) арқылы мүмкін болады. Енгізілген жаңашылдық сервиспен жұмысты айтарлықтай дәрежеде жеңілдетті. Атап айтқанда, eGov mobile арқылы ЭЦҚ алу; компьютерде ЭЦҚ қажеттілігінің болмауы (тұрақсыз NCALayer арқылы қол қою мәселесі шешілуде); мобильді гаджеттердің қосымша параметрлерінің қажеттілігі жоқ және мобильді гаджет арқылы авторизациядан өту және құжаттарға қол қою артықшылықтары бар.
Сот жүйесінде де заман талабына сай, электронды түрде жұмыс жасаудың нәтижесінде, жұмыс біріздендіріліп, азаматтардың уақытын үнемдеуге мүмкіндік туып отыр.
А.Тлемберлиева
БҚО қылмыстық істер
жөніндегі мамандандырылған
ауданаралық сотының
бас маманы